UNA SA LAHAT KATAPATAN SA TRABAHO Bakit ba kailangan nating maging tapat sa ating trabaho? Ang katapatan ay tanda na ang relasyon mo sa trabaho ay tunay. Ang katapatan ay gumagawang may pagmamahal. Kung may katapatan ay nagiging solido,matibay at epektibo ang isang relasyon. Ang katapatan ay nagsasabi ng kalidad ng iyong pagkatao at kalidad ng iyong buhay. Ang katapatan ay nagdadala sa atin sa kasiglahan at mas mabunga sa ating mga gawain. Ang pagiging matapat ay magkakamit ng gantimpala hindi lamang dito sa lupa kung hindi pati sa kabilang buhay. Kung ikaw ay mapagkakatiwalaan sa maliliit na bagay ito ang magdadala sa'yo ng pagkakataon upang pagkatiwalaan para sa mas malaking responsibilidad o posisyon. Papaano ko mapag-aaralan ang pagkakaroon ng katapatan? Ito'y sa pagpapanatili ng mga katangiang pagiging totoo at mapagkakatiwalaan sa pagtupad sa iyong mga ipinangako at responsibilidad ano man ang mangyari. Nararapat na ang ating gabay na mga kataga sa ating trabaho ay "LAGING TAPAT"

DAKILANG ARAW 2013: “Sino ang Magtatagumpay Bilang Manedyer/Lider?” “ PANGHABANGBUHAY NA PAG-AARAL “ May Isang Katotohanan: “ Walang sentro na lalago higit pa sa Center Chief.” Ang paglago ng Center Chief ay ang dahilan ng paglago ng Sentro. Paunlarin ang sarili at maaari kang makapag-paunlad ng iba. Bakit hindi lumalago ang Center Chief? Mga Dahilan: 1. Hindi nila maunawaan ang kahalagahan ng panghabangbuhay na pag-aaral. 2. Iniisip nila na alam na nila lahat ng bagay. 3. Kinatatamaran na pagtanggap ng ibang mga bagong kaalaman. 4. Mas pinahahalagahan na ang mahabang karanasan. 5. Walang plano o gana sa pansariling paglago. ANG APAT NA MAHALAGANG BAGAY NA MAGSASABI SA IYO NA ISA KANG MATAGUMPAY NA LIDER ( 4 C’s that calls for life long learning) 1. CHARACTER ( PAGKATAO/UGALI NATIN) 2. CHEMISTRY ( KABAGAYAN/ PUWEDE BA TAYO?) 3. COMPETENCY ( KAKAYAHAN/ABILIDAD NATIN) 4. CAPACITY (KAPASIDAD/KAKAYANIN BA NATIN?) ISANG PAGHAMON: Huwag sayangin ang mga pagkakataon na makasama sa mga pag-aaral kung ikaw ay maimbitahan lalo na kung libre ito’y para sayong paglago at katagumpayan sa pamumuno. Reference: Life Long Learning by Dr. Samuel Chand

PAGTITIWALA SA DIYOS AT HUWAG KAINGGITAN ANG IBA SA LIKO NILANG GAWA by: Marlou R.Concepcion "Huwag kang mabalisa dahil sa masama; huwag mong kainggitan liko nilang gawa. Katulad ng damo, sila'y malalanta,tulad ng halaman, matutuyo sila, Umasa ka sa Diyos, ang mabuti'y gawin at mananahan kang ligtas sa lupain. Kay Yahweh mo hanapin ang kaligayahan, at ang pangarap mo'y iyong makakamtan."- Awit 37:1-4 MBB Huwag nating kaiingitan ang mga taong gumagawa ng masama at naging dahilan ito upang sila ay guminhawa,umunlad sa buhay at naging tanyag sa sariling lakas, talino at kaparaanan. Malinaw na sinasabi ng Diyos ang lahat ng ito'y mawawala at tulad ng damo at halaman sila'y malalanta, matutuyo at mamamatay. Ang lahat ng sumusunod sa kalooban ng Diyos ay mabubuhay ng kakaiba at magmamana ng kayamanan sa langit pagdating ng araw. Ang pinagpaguran ng mga hindi naniniwala sa Diyos ay magwawakas ngunit sa mga sumasampalataya ay pangwalanghanggan. Sa Kanya mo hanapin ang kaligayahan at italaga mo ang iyong sarili sa Kanya. Ang kaligayahan nating mga nagtitiwala sa Diyos ay nasa Kanyang presensiya sa pamamagitan ng pagkilala sa kanya nang mabuti sa kaalaman sa kanyang mga salita upang lumalim tayo sa Kanyang dakilang pag-ibig ito ang siyang magbibigay sa atin ng tunay na kagalakan. Ang pagtatalaga ng sarili sa Diyos ay pagtitiwala ng lahat, ang ating buhay, pamilya, trabaho, kayamanan sa Kanyang kontrol. Ang pagtitiwala sa kanya ng ating buhay (Awit 37:5) ay paniniwala sa Diyos na pinakamabuti ang gagawin niya sa atin kumpara kong sarili natin ang magpapatakbo sa ating buhay. Kaya't magtiyaga tayong antayin ang Diyos (Awit 37:7) na kumilos kung ano ang mas mabuti sa buhay natin.